Cardial bainvegni!
Dr. Christian Bock, directur da METAS
In cordial bainvegni en il lieu il pli precis da la Svizra: l'Uffizi federal per metrologia (METAS). METAS ademplescha sias incumbensas a favur da la societad e da l'economia. L'economia publica po mo exister, sche è avant maun la confidenza areguard las mesiras che vegnan utilisadas, areguard ils instruments da mesirar ed areguard las mesiraziuns che vegnan fatgas cun quels. Cunquai ch'ils certificats da calibraziun da METAS èn renconuschids en l'exteriur, vegnan sminuidas barrieras commerzialas per ils producents svizzers da meds da mesirar .
Questas incumbensas pudain nus mo ademplir, sche nus disponin da persunal bain scolà e motivà. Sulettamain uschia pudain nus metter a disposiziun meds da mesirar da referenza ch'èn renconuschids sin plaun internaziunal e che mesiran per regla almain per il factur 10 pli precis ch'il med da mesirar che duai vegnir calibrà, quai vul dir che duai vegnir cumpareglià .
Contactai p.pl. directamain nossas spezialistas e noss spezialists u visitai nus, sche Vus giavischais infurmaziuns pli detagliadas davart singuls temas! Durant ina visita guidada tras noss lavuratoris As rendain nus gugent pli transparentas e pli chapaivlas nossas activitads. Persunas da contact per visitas guidadas : Sandra Frei ubain Bernadette Imobersteg
Ulteriuras infurmaziuns chattais Vus sin nossa pagina d'Internet per tudestg, franzos e per part era per talian.